Батыс Қазақстан инновациялық-технологиялық университетінің стратегиялық жоспарларының бір бағыты Халықаралық ынтымақтастық болып табылады.

Биылғы оқу жылында салалық технологиялар институты Альметьев мемлекеттік мұнай институтымен бірлескен білім беру бағдарламасын іске қосты.

 Бұл бағдарламаның мақсаты теориялық және практикалық дағдыларды меңгерген, мұнай-газ саласында өндірістік сипаттағы міндеттерді тұжырымдауға және тиімді шешуге қабілетті жоғары білікті сұранысқа ие мамандарды даярлау болып табылады, қойылған міндеттер:

1. Инновациялық білім беру ортасын құру;
2. Тәжірибенің заманауи талаптары мен сұраныстарына сәйкес келетін білім деңгейін қамтамасыз ету;
3. Кадрлық әлеуетті дамыту;
4. Шет тілдерін оқытудың әртүрлі курстарына міндетті түрде қатысу арқылы ПОҚ-ның тілдік даярлығын күшейту.
5. Мұнай-газ секторы жұмыс берушілерінің білім беру үрдісіне қатысуын кеңейту;
6. Білім алушылар мен профессорлық – оқытушылар құрамының ғылыми жобалары мен академиялық ұтқырлығы шеңберінде университеттің алыс және жақын шетелдердің жоғары оқу орындарымен халықаралық ынтымақтастығын кеңейту.

Мұндай модельдер білім беру бағдарламасының вариативті бөлігі арқылы және білім алушылардың таңдауы бойынша жүзеге асырылатын модульдер санын кеңейту арқылы жеке білім беру траекторияларын қалыптастырудың кең өрісін қамтамасыз етеді.

Бағдарламаны аяқтау білім алушылардың жоғары оқу орнын бітіргеннен кейін жұмысқа орналасу мүмкіндіктерін арттырады, оларға Қазақстан Республикасында және шетелде жұмыс жасау мүмкіндіктерін ұсынады.