Қазіргі таңда Батыс Қазақстан инновациялық-технологиялық университетінің Білім және менеджмент институтында Қайта даярлау және біліктілікті арттыру және қосымша білім беру орталығы жұмыс істейді. Бұл Орталық біліктілікті арттыру және педагогикалық қайта даярлау курстарын өткізу тәртібін жүзеге асыратын құрылымдық бөлімшесі болып табылады. Осы уақытқа дейін біздің курстарымызды сәтті аяқтап, сертификатқа ие болған тыңдаушыларымыздың саны 500-ден асты. Болашақта қоғамымызға қажетті, заманауи тақырыпты қамтитын біліктілікті арттыру курстарын ашу, санын молайту жоспарда бар. Қазіргі таңда біз төмендегідей қысқа және ұзақ мерзімді біліктілікті арттыру курстары бойынша тыңдаушыларды қабылдаймыз:
- Жаңартылған білім беру мазмұнында инклюзивті білім беруді іске асыру;
- Жаңартылған білім беру мазмұны жағдайында мектепке дейінгі ұйымдарда білім беру үдерісін ұйымдастыру;
- Мектеп кітапханашыларының ақпараттық-кітапханалық қызметіндегі заманауи құзыреттіліктер;
- Оқытуда заманауи цифрлық ресустарды тиімді пайдалану;
- 1С-Бухгалтерлік есеп және салық есептілігі.
Универсиетіміздегі қосымша білім берудің екінші бағыты – педагогикалық қайта даярлау курстары. Білім және менеджмент институтында 2023 жылдың қыркүйек айынан педагогикалық қайта даярлау курстары ашылып, жұмыс істей бастады. PR0013 – Педагогикалық қайта даярлау курс тыңдаушыларына арналған білім беру бағдарламасы 22.06.2023 күні Қазақстан Ресбуликасының білім беру бағдарламаларының тізімі арқылы сараптамадан өтті және тіркелді. Бұл курстың мақсаты – педагогикалық емес арнайы кәсіби білімі бар мамандарды педагог ретінде қайта даярлау арқылы қазіргі кезде сұранысқа ие педагогтар қажеттілігін өтеу. Арнайы кәсіби білімі бар мамандарға заңнамаға енгізілген өзгеріске сәйкес, арнайы курсты оқып шыққаннан кейін өз саласы бойынша педагог маман ретінде жұмыс істеуге рұқсат беріледі. Дәл осындай мүмкіндікке педагогикалық емес арнайы кәсіби білімі бар басқа сала мамандары да ие бола алады.
Бұл курстарды бітірген тыңдаушыларымыз қызмет саласын өзгертіп, өздерін жаңа қырынан таныта алатынын ерекше атап өткіміз келеді. Оқу мерзімі – 6 ай. Қайта даярлау курсын сәтті аяқтаған тыңдаушыларға мемлекеттік үлгідегі сертификат табысталады. Қазіргі уақытта біздің университетімізде алты бағыт бойынша педагогикалық қайта даярлау курстары жұмыс істейді. Олар:
- Қазақ тілі мен әдебиеті
- Орыс тілінде оқытпайтын мектептердегі орыс тілі мен әдебиеті
- Шет тілі: екі шет тілі
- Тарих
- Информатика
- Мектепке дейінгі оқыту және тәрбиелеу.
Біліктілікті арттыру курстары білім берудің onlinе/оffline форматында да, ал педагогикалық қайта даярлау курстары тек оffline бойынша жүзеге асырылады.