2024 жылғы 18-19 қазанда Батыс Қазақстан инновациялық-технологиялық университетінде 50,000$ жүлде қоры бар DECENTRATHON 2.0 ауқымды мультил-локациялық хакатоны өтті. Іс-шараны Astana Hub және аймақтық Jaiq Hub blockchain Center зерттеу зертханасымен серіктестікте ұйымдастырды.
Хакатонның негізгі мақсаты — 48 сағат ішінде өзекті мәселелердің инновациялық шешімдерін ұсыну және AI, Blockchain, GameDev және Telegram үшін шағын қолданбалар салаларында стандартты емес тәсілдерді көрсету.
Биыл Decentrathon 2.0-ге Қазақстанның 17 өңірінен, соның ішінде Астана мен Алматыдан 2000-нан астам IT-энтузиастар қатысты. Орал қаласының қатысушылары Батыс Қазақстан инновациялық-технологиялық университеті, Жәңгір хан атындағы Батыс Қазақстан аграрлық-техникалық университеті, М.Өтемісов атындағы Батыс Қазақстан университеті, Орал ақпараттық технологиялар колледжі және Назарбаев Зияткерлік мектебі сияқты бірнеше оқу орындарын ұсынды. Барлығы 63 қатысушы жасанды интеллект, блокчейн, ойын әзірлеу және Telegram үшін шағын қолданбаларды құру мәселелеріне назар аудара отырып, 16 команда құрады.
Хакатонның ашылуы Қазақстан Республикасының цифрлық даму, инновациялар және аэроғарыш өнеркәсібі министрі Жаслан Мәдиевтің құттықтау сөзінен, сондай-ақ CEO Astana Hub Мағжан Мәдиевтің, CEO BAITC Айдана Қасқырбектің, McKinsey & Company өкілі және Satbayev University өкілі сөздерінен басталды.
Хакатонның барлық қатысушылары іс-шараның символикасы бар футболкалар мен стикерлерді алды.
Хакатон 19 қазанда жабылу салтанатымен және бос орындар жәрмеңкесімен аяқталды.
