Батыс Қазақстан инновациялық-технологиялық университетінің (БҚИТУ) Энергетика, автоматтандыру және есептеу техникасы кафедрасының аға оқытушылары — А.Н. Шатекова, А.Б. Кайранбаева, Д.Е. Жукенова және А.М. Сәрсенғалиева — 2025 жылдың 28 қарашасы мен 10 желтоқсанында №26 және №39 жалпы білім беретін мектептерінде мектеп түлектерімен кәсіптік бағдар беру кездесулерін өткізді.

Шаралардың негізгі мақсаты — оқушыларды университеттің оқу бағдарламаларымен, қабылдау талаптары мен заманауи техникалық және инновациялық білім алу мүмкіндіктерімен таныстыру. Кәсіптік бағдар беру жұмыстары жоғары сынып оқушыларының кәсіби таңдауына ықпал етуді және БҚИТУ-да білім алу мүмкіндіктері туралы хабардарлығын арттыруды көздеді.

Кездесулер барысында оқытушылар университеттің оқу бағыттарын таныстырып, БҚИТУ-да оқудың артықшылықтарын атап өтті:

• тәжірибеге бағытталған оқу;
• университеттің аймақтың жетекші кәсіпорындарымен ынтымақтастығы;
• өндірістік практика және стажировкалардан өту мүмкіндігі;
• студенттердің ғылыми-зерттеу жұмыстарына, жобалар мен байқауларға қатысуы.

Оқушылардың ерекше қызығушылығын қабылдау шарттары: құжаттарды тапсыру мерзімдері, білім гранттары, қабылдау ерекшеліктері, сондай-ақ жатақханада тұру жағдайлары қызықтырды. Барлық қатысушыларға университеттің ақпараттық буклеттері берілді.

Кәсіптік бағдар беру кездесулері оқушылардың БҚИТУ-дың техникалық және инновациялық мамандықтарына деген қызығушылығын арттырды. Жоғары сынып оқушылары болашақ мамандық таңдауға қатысты қосымша кеңес алуға дайын екенін білдірді.

№39 мектептің әкімшілігі жүргізілген жұмыстың маңыздылығын атап өтіп, университет оқытушыларына алғысын білдіріп, әрі қарай ынтымақтастық жасауға ниет білдірді.