Өндірістегі практикалық сабақтар университетте алынған теориялық білімді бекітуге бағытталған оқу үдерісінің маңызды құрамдас бөлігі болып табылады. Осыған байланысты 20 және 21 ақпанда екі күн ішінде “Интергаз Орталық Азия” АҚ кәсіпорнында “Шымкент” УКК еңбекті қорғау және өнеркәсіптік қауіпсіздік пәнінің оқытушысы М. И. Рамазанов “Адамның өндірістік қызметіндегі қауіпті және зиянды факторлар” тақырыбында мастер-класс өткізілді. Аталған іс-шараға 5В070800 – Мұнай-газ ісі мамандығының 2-3 курс студенттері және арнайы пәндердің аға оқытушылары Губайдуллин К. Ж. және Аманова Б. Н. қатысты.

20 қаңтар күні бірінші сабақта студенттер еңбекті қорғау және өндірістегі қауіпсіздік техникасымен, қоршаған ортаның қауіпті және зиянды факторларымен танысты. Білім алушылар тестілеу сұрақтарына жауап беріп, мұнай-газ саласындағы кәсіпорындардағы жазатайым оқиғалар туралы фильм көрді.

21 қаңтарда екінші сабақта студенттер оқытушылармен сынақ зертханаларына барып, ақауларды анықтау әдістерін, газ-мұнай құбырларының ақауларын зерттеді және сынақ жабдығымен танысты.

Өндірістегі практикалық сабақтар студенттерге болашақ кәсіби қызметтің шарттары мен ерекшеліктерін танысуға, жоғары кәсіби, зерттеу және ұйымдастыру дағдыларын меңгеруге мүмкіндік береді.