2023 жылдың 13-қазанында Батыс Қазақстан инновациялық-технологиялық университетінің «Қоғамдық пәндер және дене мәдениеті» кафедрасының 6В01401 – Дене шынықтыру және спорт, 6В01501 – Информатика, 6В01601 –  Тарих білім беру бағдарламаларының студенттеріне “Мақсат” Орал Жоғары медициналық колледжінің эпидемиологиялық пәндер мамандығының оқытушысы Жумагалиева Гулайса Даулеткерейқызы «Жұқпалы аурулар және олардың алдын алу» тақырыбында семинар-тренинг өткізді.

Семинар барысында инфекционист маман Қазақстан бойынша эпидемиологиялық жағдайға ықпал етуші ауруды қоздырушы инфекцияларға, таралу жолдарына, клиникалық сипаттамаларына тоқталып, аурудың алдын алу жолдары туралы сөз етті. Оның айтуынша, кез-келген аурудың алдын-алу шараларының ең бастысы – адамның жеке басының гигиенасын сақтау, инфекцияның жедел таралу кезеңінде адам көп шоғырланатын жерлерге бармау, спортпен шұғылдану.

Батыс Қазақстан инновацялық-технологиялық университетінің дәрігері Т.С.Сүттібаев студенттерге DamuMed қосымшасы арқылы дәрігерге жазылып, кеңес алуға болатынын және тұмауға қарсы вакцинация науқаны басталғанын ескертті.

Шара барысында студенттер өздерін  қызықтыратын сұрақтарға жауаптар алды.