2022 жылдың 23 желтоқсаны  Батыс Қазақстан инновациялық‑технологиялық университеті, Педагогика факультетінің Педагогика және психология кафедрасының аға оқытушылары Б.К.Баймуханова мен Ж.Е.Кадыржанованың ұйымдастыруымен «Педагог-психологтарды дайындаудың қазіргі заманғы тенденциялары: мамандырулар мен қызмет бағыттары» атты әдістемелік семинар өткізілді.

Әдістемелік семинарда қазіргі заманғы педагог-психологтарды кәсіби дайындаудың мамандырулары мен өзекті қызмет бағыттарын талқылау және білім беру бағдарламасын жетілдіруге ұсыныстар беру мәселелері туралы талқыланды.

Әдістемелік семинарға университеттің профессор­‑оқытушылық құрамы, студенттер қатынасты және қалалық мекемелерден педагог‑психолог мамандар шақыртылды. Атап айтсақ, Батыс Қазақстан облыстық психологиялық-дәрігерлік-педагогикалық кеңестің жоғары санатты психологі – Шуйншалиева Сауле Адилгереевна,  Орал қаласындағы «Отбасы» орталығының психологі ‑ Шукирбаева Индира Жоламановна, ҚР Ұлттық ұланының «Батыс» өңірлік қолбасшылығы ТжӘҚЖ басқармасының аға офицері, психологі ‑ Рашев Берик Беймбетович,  «Қазақ Психологиялық Қоғамы» РҚБ мүшесі, психолог-практик, Д.Қонаев ат. №44 мектеп-гимназиясының педагог-сарапшысы, педагог-психологі ‑ Баян Айболат Ерболатұлы, Орал қаласындағы ШЖҚ №6 қалалық емхананың психологі ‑ Биялиева Айзада Нурболатовна. Шақырылған әріптестер әдістемелік семинар тақырыбына байланысты бәсекеге қабілетті педагог‑психолог мамандарды даярлау мәселесіне қатысты өзекті ой‑пікірлері мен ұсыныстарын білдірді.

Әдістемелік семинар модераторы п.ғ.к., қауымдастырылған профессор ИргалиевА.С.

«Педагог-психологтарды дайындаудың қазіргі заманғы тенденциялары: мамандырулар мен қызмет бағыттары» тақырыбында өткен әдістемелік семинар жаһандану дәуірінің мамандарын даярлау бағытындағы жаңа идеяларды ортаға салды.