БҚИТУ-дың кәсіптік бағдар беру және қабылдау бөлімі ИГФ бірнеше жылдар бойы бүкіл батыс өңір колледждерінің оқушыларымен және бітіру курстарымен белсенді кәсіптік бағдар беру жұмыстарын жүргізіп келеді. Бұл жұмыстың нәтижелері проблемаларды анықтау үшін талданады. Біз қаламыздың оқушылары үшін “Ашық есік күнін” өткіземіз, колледж түлектері үшін факультет оқытушылары мамандықтар бойынша шеберлік сыныптарын өткізеді, осының барлығы біздің факультет және оның білім беру бағдарламалары туралы ақпаратты нақты оқу орындары шегінде таратуға ықпал етеді, талапкерлерге қазіргі заманғы кәсіптер әлемінде дұрыс және уақтылы бағдарлануға көмектеседі. Ол үшін бірқатар іс-шаралар өткізіледі. Мәселен, 3 сәуір мен 25 сәуір аралығында қабылдау және кәсіптік бағдар беру бөлімінің қызметкерлері Маңғыстау облысында көшпелі жарнамалық іс-шаралар өткізеді. Университетке оқуға қабылдау деректері бойынша үлкен пайызын Маңғыстау облысының талапкерлері құрайды. Бұл күндері Ақшұқыр,Тельман, Құрық, Шетпе, Жаңаөзен ауылдық мектептерінде белсенді кәсіптік бағдар беру жұмыстары жүргізілуде. Облыстың оқу орындарында кәсіптік бағдар беру жұмыстарын ұйымдастыруда мектептер мен колледждердің әкімшілігі үлкен көмек көрсетеді.