2021 жылдың 29 қарашасынан 6 желтоқсанына дейін Батыс Қазақстан инновациялық-технологиялық университетінде «Саналы ұрпақ» студенттік клубының ұйымдастыруымен сыбайлас жемқорлыққа қарсы тақырыпта «Біз сыбайлас жемқорлыққа қарсымыз!» атты қабырға газеттер сайысы өтті.
Байқаудың мақсаты: мемлекет пен қоғамның әлеуметтік құбылысы ретінде сыбайлас жемқорлықты қабылдамауға бағытталған сыбайлас жемқорлыққа қарсы сананы қалыптастыру, сондай-ақ жалпыадамзаттық құндылықтарды бекіту негізінде азаматтық ұстаным мен жауапкершілікті тәрбиелеу, БҚИТУ беделін арттыру, жастардың шығармашылық қабілеттерін дамыту және іске асыру, таланттарды анықтау және үздік жұмыстарды кең көрермен аудиториясына ілгерілету мақсатында өткізілді.
Байқауға университеттің барлық факультет студенттері қатысты. Бастапқыда қатысушылар “сыбайлас жемқорлық”, “сыбайлас жемқорлыққа қарсы іс-қимыл”, “сыбайлас жемқорлық мінез-құлық”, “сыбайлас жемқорлық көрінісі”, “сыбайлас жемқорлыққа қарсы іс-қимыл” терминдеріне түсініктеме берді.
Шағын топтарда студенттердің жұмысы ұйымдастырылды. Студенттер өз көзқарастары мен пікірлерін плакаттарда көрсетті. Барлығы 28 жұмыс ұсынылды.
Шығармашылық сараптама қорытындысы бойынша үздік қабырға газеттері аталды. Тәуелсіз комиссия плакаттардың тақырыпқа сәйкестігін, дизайнның өзіндік ерекшелігін, түс схемасын таңдауды, ақпараттылықты, орындау сапасын бағалады.
1-3 курс “Экономика”, “Менеджмент”, “Құқық қорғау қызметі”, “Дене шынықтыру және спорт”, “Мемлекеттік және жергілікті басқару” мамандықтарының студенттері студенттік ортада сыбайлас жемқорлыққа қарсы іс-қимыл туралы жарқын, бейнелі, ерекше түрде айта алды.
Байқау қорытындысы номинациялар бойынша дипломдармен марапатталды.