2023 жылдың 14-15 қыркүйегінде жалпы білім беру пәндері кафедрасының аға оқытушылары эдвайзерлер Мұхтар А.Р., Султангалиева А.А., Маметанова С.Т. «Бірінші курс студенттер апталығы» аясында 6В07301 «Сәулет», 6В07201 «Мұнай-газ ісі», 6В07303 «Жерге орналастыру және кадастр», 6В07302 «Құрылыс» білім беру бағдарламасының бірінші курс студенттерімен Жұбан Молдағалиев атындағы ғылыми әмбебап кітапханаға бару ұйымдастырылды. Кітапхананың бірінші қабатында оқушылар түрлі жанрдағы кітаптар көрмесімен танысып, одан әрі айналым залы мен оқу залына барды. Экскурсия барысында Ж.Молдағалиевтің өмірі мен шығармашылығымен конференц-залда танысты, онда оның жеке заттары, деректі материалдары, жазбалары, естеліктері, белгілі жазушылармен, ақындармен кездесулердің фотосуреттері сақталып, ақынның жеке кітапханасының прототипі қайта жасалды.

Бұдан кейін балаларға Н. Крупская атындағы облыстық кітапхананың (қазіргі Ж.Молдағалиев) бірінші директоры И. Губанованың өмірбаяны айтылды. Студенттерге Батыс Қазақстан облысының ірі кітапханасының қорынан сыйлық ретінде кітап алуға мүмкіндік берілгені жағымды сәт болды.