БҚИТУ ИГФ құқық кафедрасының аға оқытушылары А.А. Абдрашит, Г. Б. Аралбековтың бастамасымен 2022 жылғы 14 қазанда сағат 10-да Батыс Қазақстан облысы Орал қаласының мамандандырылған тергеу сотының судьясы Исмаилова Раушан Тоқтасынқызымен 6В04202-Құқықтану, 6В04203- Тасымалдауды, қозғалысты және көлікті пайдалануды құқықтық реттеу білім беру бағдарламаларының білім алушыларымен кездесу өткізілді.
Кездесу барысында судья Қазақстан Республикасының сот жүйесін түсіндірді, сондай-ақ ол сот жүйесі 2007 жылдың екінші жартыжылдығынан бастап электрондық іс жүргізуге көшкенін түсіндірді. Барлық мекемелерде Бірыңғай автоматтандырылған ақпараттық-талдау жүйесі (ЕАИАЖ) жұмыс істейді.
Орал қаласының мамандандырылған тергеу соты өкіммен 2018 жылы құрылды. Қазақстан Республикасының Қылмыстық іс жүргізу кодексінде тергеу судьясының жаңа іс жүргізу институты енгізілді, ол тараптардың теңдігі мен бәсекелестігі қағидатын неғұрлым толық іске асыруды, азаматтардың құқықтары мен бостандықтарын қорғаудың тиімділігін арттыруды қамтамасыз етуде Қазақстанның жалпыға бірдей қабылданған халықаралық стандарттарға бейілділігін куәландырады.
Тергеу судьялары институты тергеу судьясы өндірістің заңдылығын бақылауды жүзеге асырады, өйткені бұл ретте ол қылмыстық процеске қатысушылар үшін төреші рөлін атқарады, тараптардың мүмкіндіктерінің бәсекелестігі мен заңды теңдігі, демек, сот төрелігінің әділдігі үшін негіз болады. ҚІЖК-нің 55-бабының нормаларына сәйкес бірінші сатыдағы соттың судьясы тергеу судьясы болып танылады, оның өкілеттіктеріне осы Кодексте көзделген тәртіппен қылмыстық сот ісін жүргізуде адамдардың құқықтарының, бостандықтары мен заңды мүдделерінің сақталуына сот бақылауын жүзеге асыру жатады. Тергеу судьяларының қызметі қылмыстық процестің сотқа дейінгі сатысында сот бақылау институтының өміршеңдігін көрсетті.
