Орал қаласы әкімдігінің «Орал қаласының жастармен жұмыс жөніндегі ақпараттық-талдау және ресурстық орталығы» коммуналдық мемлекеттік мекемесі «Еңбек ет, табысқа жет» атты арнайы бағыттар бойынша бос жұмыс орындары жәрмеңкесін ұйымдастырды.  Биыл алғаш рет ұсынылып отырған жәрмеңкенің ерекшелігі – тек құқық қорғау саласын қамтитын саланы қамтуында.

Жәрмеңкеге 12-ге жуық жұмыс беруші қатысып, 200-ге дейін бос жұмыс орындарын ұсынды. Іс – шараға БҚО жоғары оқу орындарының түлектері, оның ішінде 6В04202 – “Құқықтану” және 6В04203 – “Тасымалдауды, қозғалысты және көлікті пайдалануды құқықтық реттеу” білім беру бағдарламасы бойынша БҚИТУ түлектері қатысты.

Жәрмеңкені өткізу барысында “Жастар кеңесі”жобасы іске асырылды. Өңір жастарына қажетті кеңестер беріліп, жастарға арналған мемлекеттік бағдарламалар түсіндірілді.