2020 жылдың 14-ші қаңтарында Батыс Қазақстан инновациялық-технологиялық университеті, Тілдер және менеждмент факультеті, «Шетел тілдері және аударма ісі» кафедрасында оқытушылардың ғылыми семинары өтті. Семинардың мақсаты – профессорлық-оқытушылық құрамының 2019 жылғы ғылыми-зерттеу жұмыстары бойынша қорытынды жасап, 2020 жылға ғылыми зерттеулерді жоспарлау.

Ғылыми семинардың бағдарламасы 5 бөлімнен тұрды:

• Шаруашылық келісім шарт тақырыбы
• Бастамашылық тақырыптар
• Аспиранттардың ғылыми тақырыптары
• Магистранттардың ғылыми тақырыптары
• Ғылыми семинарды қорытындылау

Ғылыми семинардың жетекшісі кафедра меңгерушісі ф.ғ.к., проф. Доукариева У.К., хатшысы п.ғ.м., аға оқытушы Кенжегалиева Д.Р. болды.

Кешенді тақырып жетекшісі филология ғылымдарының кандидаты Доукариева У.К., филология ғылымдарының докторы Бисималиева М.К., педагогика ғылымдарының магистрі, аға оқытушы Сағынғалиева А.О.  «Көптілді білім беруді енгізудің тұжырымдамалық негіздері» атты қорытынды баяндама жасап, көптілді білім берудің маңыздылығын атап өтті.

Ғылыми семинарға кафедра оқытушылары ф.ғ.к. Матжанова Г.Ж., ф.ғ.к., доцент Аманбаева З.Ж., ф.ғ.к. Мукашев Б. А., п.ғ.м. Бисалиева А.М., аға оқытушы Макашева Ф.Н., аға оқытушы Идрискалиева С.К., аға оқытушы Утебаева А.Х., аға оқытушы Исанова Л.А., аға оқытушы Ахметов Т.Р. қатысты.

Ғылыми семинарда сонымен қатар Батыс Қазақстан инновациялық-технологиялық университеті мен М.Өтемісұлы атындағы Батыс Қазақстан мемлекеттік университетінің магистранттары мен Н.Г.Чернышевский атындағы  Саратов мемлекеттік университетінің 3 курс аспиранты Сатымова К.М. баяндама жасады.

Ғылыми семинардың қорытындысы мен ғылыми зерттеулердің нәтижелері бойынша Web of Science және Scopus индекстелетін басылымдарда, ҚР БҒМ Білім және ғылым саласындағы бақылау комитеті ұсынған басылымдарда, халықаралық басылымдарда мақалалар  жариялауға ұсыныстар берілді.

2018 жылдың 11 қаңтар күні Батыс Қазақстан инновациялық-технологиялық университеті педагогикалық факультеті филология кафедрасының ұйымдастыруымен ғылыми семинар өтті.

Кафедра меңгерушісі М.Қ.Ажгалиев өз баяндамасында ҚР Президенті Н.Ә.Назарбаевтың «Болашаққа бағдар: рухани жаңғыру» бағдарламалық мақаласының маңызды тұстарына тоқталып, кешегі 10-қаңтардағы жолдауы арқылы Стратегияны жүзеге асыру және жастар үшiн үлкен мүмкiндiктер бар екендiгiн түсіндіру, насихат жұмыстарын жүргізу керектігін айтып өтті. Семинар негізгі 4 тақырып аясында өрбіді.

1. Шаруашылық келісімшарт тақырыбы бойынша:
2. Батыс Қазақстан облысы бойынша елдімекендер мен көше атауларын қайта атау мен өзгерту және атау беру туралы

Ажгалиев М.Қ. – педагогика ғылымдарының кандидаты, доцент

1. Кешенді тақырып бойынша:
2. Тілдік және әдеби құндылықтар

Сабыр М.Б. – филология ғылымдарының докторы, профессор

2. Академик Қажым Жұмалиевтің қазақ әдебиеттану ғылымына қатысты ғылыми көзқарастары

Мамыров А.Ы. – филология ғылымдарының кандидаты, доцент

III. Бастамашыл тақырыптар бойынша кафедра оқытушылары Ажгалиев М.Қ., Сабыр М.Б., Қайыров А.Б., Кусайынова Д.Ж., Сагынгалиева А.О., Сатымова К.М., Ахметов Т.Р., Есполова Ж.Е., Абужалитова А.Т., Саматова Ж.М. зерттеу тақырыптарына шолу жасады.

Тақырыптар талқыланып, сұрақтар қойылды. Алдағы уақытта баяндамаларды мақала ретінде жариялауға ұсыныстар айтылды. Кафедра меңгерушісі М.Қ.Ажгалиев кафедраның ғылыми-зерттеу жұмыстары алдағы уақытта жалғасын табатынын айтып, семинарды қорытындылады.