Қазіргі заманғы қонақүй және мейрамхана кешені елдің әлеуметтік саласында маңызды орын алады және саяхатшылардың тұруымен тамақтану қажеттіліктерін қамтамасыз етуге көмектеседі. Қонақүйлер мен мейрамханаларсыз заманауи туризм индустриясын құру мүмкін емес.

Қонақүй және мейрамхана кәсіпорындары қызмет көрсету саласының ажырамас бөлігі болып табылады. Бұл қызметтерді ұсыну қаржы-экономикалық қызметке оң әсер етеді және қоғамдық өндірістің тиімділігін арттыруда үлкен рөл атқарады.

Қазіргі уақытта Қазақстанда әртүрлі деңгейдегі менеджерлерге аса мұқтаж жоғары дәрежелі қонақүйлер аз емес. Алайда қонақүйлер мен мейрамханалар үшін білікті мамандарды оқыту процесі әлі де оңтайландыруды қажет етеді. Батыс Қазақстан инновациялық-технологиялық университетінің тілдер және менеджмент факультеті қонақүй шаруашылығы мен туризм мамандарын дайындайды.

6В11101-Туризм білім беру бағдарламасының студенттері үшін оқу – практикалық сабақтар «Есеп және қаржы» кафедрасының филиалдарында өткізіледі: PUSHKIN отель, PRESTIGE қонақүйі, Облыстық балалар мен жасөспірімдер туризмі және экология орталығы. Студенттер спорттық туризм, қонақүй және мейрамхана ісі бойынша практикалық дағдылар мен білім алады.