2025 жылдың 2 желтоқсанында оқу-тәрбие процесі аясында энергетика, автоматтандыру және есептеу техникасы кафедрасының аға оқытушысы Сарсенгалиева А.М. «Электрондық коммерция» пәні бойынша «Сыртқы жарнаманың және web-сайттың желідегі пайдаланушыға әсері» тақырыбында ашық сабақ өткізді.

Сабақтың мақсаты: студенттерге интернет-жарнаманың және веб-сайттың пайдаланушы мінез-құлқына әсер ету механизмдерін түсіндіру, цифрлық контентті сыни тұрғыдан талдау дағдыларын дамыту, сондай-ақ жарнамалық материалдарды жасау және талдауда заманауи сервистерді қолдануды үйрету.

ВТиИС-22О тобының білім алушылары келесі практикалық тапсырмаларды орындады:

– интернет-жарнаманың визуалды және мәтіндік элементтерін талдау;

– Canva, Gamma, Adobe Photoshop сервистерінде жарнамалық баннерлер жасау;

– LearningApps.org платформасында интерактивті жаттығулар орындау.

Студенттер жарнамалық хабарламаны қалыптастыру қағидаттарын, сайттың дизайны мен құрылымының пайдаланушы тәжірибесіне әсерін, сондай-ақ электрондық коммерциядағы цифрлық жарнаманың рөлін талқылады.

Сабақ мақсатына жетіп, студенттердің цифрлық сауаттылығын арттыруға және интернет-маркетинг құралдарымен жұмыс істеу бойынша практикалық дағдыларын қалыптастыруға ықпал етті.