Батыс Қазақстан инновациялық-технологиялық университетінің Салалық технологиялар институтында  «Start UP Жастар» стартап-бизнес жобаларының дәстүрлі байқауы өтті, онда білім алушыларға өз бизнес идеяларымен бөлісуге және оларды болашақта шындыққа айналдыруға мүмкіндік берілді.

Конкурстың мақсаты-білім алушылардың бизнес саласындағы шығармашылық әлеуетін ашу, сондай-ақ студент жастардың әлеуметтік маңызды бизнес-бастамаларын қолдау.

Конкурстың міндеттері:

– жастар арасында кәсіпкерлік қызметті насихаттау;

– білім алушыларды өз бизнесін құруға және дамытуға ынталандыру;

– білім алушылардың шығармашылық әлеуетін анықтау.

Байқау екі кезеңде өтті, бірінші кезеңде 13 команда, екінші кезеңде 6 команда қатысты. Студенттік стартап-жобалардың екінші байқау кезеңінде келесі командалар жүлделі орындарға ие болды:

🥇1 орын- «Energy» командасы;

🥇2 орын- «Құрылысшылар» командасы;

🥇3 орын- «Энерго» командасы.

 «Үздік инновациялық жоба» номинациясында «Эрудит» командасы жеңіске жетті.

 «Жобаны сауатты таныстыру үздіктері» номинациясын «Happy friends» командасы жеңіп алды.

ENACTUS IOT-WKITU командасына «Үздік дизайнды презентация» номинациясы берілді.

Барлық қатысушылар сертификаттармен, алғыс хаттармен, ал жеңімпаздар ақшалай сертификаттармен марапатталды!