2026 жылғы 7 сәуірде Қазақстан Республикасы Ғылым қызметкерлері күні қарсаңында Батыс Қазақстан инновациялық-технологиялық университетінің, Салалық технологиялар институтында «Химия және ғылым: студенттік көзқарас» атты дөңгелек үстел өтті.

Химия ғылымдарының докторы, ветеринария және техносфералық қауіпсіздік кафедрасының профессоры Бурахта Вера Алексеевна жастардың Қазақстан ғылымын дамыту үшін маңыздылығын, студенттік зерттеулердің маңыздылығын және ғылыми ойлауды қалыптастыруды атап өтті.

Іс-шараға техникалық және ветеринария білім беру бағдарламаларының 1 курс студенттері қатысты. Павловская Татьяна, Қазбеков Әлішер, Дусалиев Руслан, Камаев Никита және Кочеткова Елизавета ғылым мен болашақ мамандықтағы химияның маңызы туралы баяндамалар жасады.

Дөңгелек үстел белсенді талқылау атмосферасында өтті және студенттердің ғылыми әлеуетін дамыту үшін тиімді алаңға айналды.