21 қыркүйек 2023 жылы Достық үйінде БҚО әкімдігі Қоғамдық даму басқармасының «Қоғамдық келісім» КММ ұйымдастыруымен облысымыздың белсенді жастарымен «Қазақстан халқы Ассамблеясы құрылымының бірі «Ассамблея жастары» РҚБ-нің төрағасы, «Аdaldyq alany» жобасының жетекшісі, ҚР Ақпарат және қоғамдық даму министрлігінің сыбайлас жемқорлыққа қарсы іс-қимыл жөніндегі штаттан тыс кеңесшісі Жұмырбаев Тимур Ғабдулұлымен еркін кездесу өтті.

Аталған шараға БҚИТУ «Достық» клубының жетекшісі «Аударма ісі» БББ 3 курс студенті Николаева Гонжа және сол топтын белсенділері Ихсанова Айкүн, Алтаева Жанель  қатысушылар болып барды.

– Жастар – еліміздің болашағы. Қазіргі заманымыздың басты мақсаттарының бірі – жас ұрпаққа саналы тәрбие беру. Осы орайда саналы тәлім-тәрбие мен береке бірлікке баулыйтын ортанын маңызы зор. Дәл осындай ортаның бірі – Ассамблея жастары деп, өз сөзінде Т.Ғ.Жұмырбаев атап өтті.

«Ассамблея жастары» Батыс Қазақстан облысындағы саяси, қоғамдық, әлеуметтік маңызы бар іс-шараларға белсенділік танытып қана қоймай қолдап келеді.

Шара барысында бейне-роликтер көрсетіліп, Ассамблея жастары» ұйымы мүшелерінің қоғамдық белсенділігін арттыру, әлеуметтік желілердегі контентін ұлғайту жөніндегі ойларын ортаға салды. Ұйымның алдағы жоспарларымен бөлісіп, жастарды белсене жұмыс істеуге шақырды.

Ұйымдастыру және тәрбие бөлімі