2025 жылдың 16 маусымында жоспарлы кәсіптік бағдар беру жұмыстары аясында салалық технологиялар институтының кәсіптік бағдар беру және қабылдау бөлімінің мамандары Ақсай колледжінің студенттерімен кездесу өткізді.
Іс-шараның мақсаты студенттерді ЗКИТУ білім беру бағдарламаларымен, оқуға түсу талаптарымен, гранттар мен жеңілдіктер алу мүмкіндіктерімен, сонымен қатар одан әрі білім алу және мансаптық өсу перспективаларымен таныстыру болды. Студенттер әсіресе еңбек нарығында сұранысқа ие оқу салаларына, сондай-ақ ғылыми жобаларға, тағылымдамадан өтуге және халықаралық бағдарламаларға қатысу мүмкіндіктеріне қызығушылық танытты.
Кездесу барысында қатысушылар университетте үздіксіз білім алуға қатысты көкейтесті сұрақтарына жауап алып, ЗКИТУ-ға түсуге қызығушылықтарын білдірді.
Университет жастардың кәсіби жолды саналы таңдауына ықпал ете отырып, облыс колледждерінде белсенді кәсіптік бағдар беру жұмысын жалғастыруда.