Жыл сайын 26 маусымда бүкіл әлемде нашақорлықты және есірткі құралдарының заңсыз айналымын теріс пайдалану мәселесіне қарсы күрестің Халықаралық күні атап өтіледі. Бұл күн 1987 жылы БҰҰ Бас Ассамблеясының бастамасымен белгіленіп, қоғам денсаулығын, әсіресе болашақ ұрпақты қорғау және нашақорлыққа қарсы күресте күш-жігерді біріктіру қажеттігін еске салу мақсатында бекітілді.

Батыс Қазақстан инновациялық-технологиялық университеті нашақорлықтың алдын алуға бағытталған бастамаларды белсенді түрде қолдайды. Университет қабырғасында үнемі ағартушылық және алдын алу шаралары – дәрістер, семинарлар, тренингтер мен сарапшылармен кездесулер өткізіледі. Жастар арасында өмірлік тұрақты құндылықтарды дамытуға, салауатты өмір салтын қалыптастыруға және саналы таңдау жасауға ерекше назар аударылады.

Нашақорлық – бұл тек медициналық қана емес, сонымен қатар әлеуметтік проблема. Тиімді алдын алу шаралары тек білім беру, денсаулық сақтау, отбасы институты және азаматтық қоғам сияқты қоғамның барлық салаларының бірлескен әрекетімен ғана мүмкін. Әрқайсымыз ақпарат тарату, қолдау көрсету және жеке үлгі арқылы үлес қоса аламыз.

Университетіміздің белсенді түрде осы бағытта жыл бойы жүргізілген жұмыстарына оң баға беріліп, БҚИТУ тәрбие ісі жөніндегі проректоры А.И.Абекешев Батыс Қазақстан облысы әкімінің алғыс хатымен марапатталды.

Өзіңді және жақындарыңды сақта! Есірткісіз өмірді таңда!