2026 жылдың 17-сәуірінде Л.Н. Гумилев атындағы Еуразия ұлттық университетінде «Жоғары білім берудегі инклюзивті білім беру: қиындықтар мен шешімдер» атты 3-ші халықаралық ғылыми-практикалық конференция өтті.

Конференцияда педагогика ғылымдарының кандидаты, Батыс Қазақстан инновациялық-технологиялық университетінің қауымдастырылған профессоры Иргалиев Асылбек Сапарғалиұлы «Арнайы білім беру қажеттіліктері бар студенттердің академиялық автономиясын дамыту құралы ретінде жасанды интеллектке негізделген ассистивті технологиялар: халықаралық тәжірибені талдау» атты баяндама жасады.

Баяндамада жасанды интеллекттің студенттердің тәуелсіздігі мен әлеуметтік интеграциясын дамытудың негізгі ресурсы ретіндегі рөлі қарастырылды, сондай-ақ университеттердің академиялық ортасында заманауи интеллектуалды визуалды жүйелер мен генеративті мультимодальды модельдердің тиімділігі талданды.