Жоғары оқу орнына түсу – әрбір жас адамның өміріндегі маңызды кезең. Бұл жаңа орта, жаңа талаптар мен жауапкершілік кезеңі. Алғашқы оқу жылында студенттерге бейімделуге, өз орнын табуға және оқу жүйесін түсінуге көмектесетін тұлға – эдвайзер.

Эдвайзер студентке оқу жоспарын құруға, пәндерді таңдауға және академиялық мәселелерді шешуге бағыт береді. Ол студенттің оқу үлгерімін қадағалап, қажет жағдайда кеңес береді, мотивациясын арттырып, өзін-өзі дамытуына жағдай жасайды.

Сонымен қатар, эдвайзер студенттің психологиялық бейімделуіне, топтағы қарым-қатынасты нығайтуға және университет өміріне белсенді араласуына ықпал етеді. Эдвайзердің қолдауы арқасында студент өзін сенімді сезінеді, жауапкершілік пен дербестік дағдыларын қалыптастырады.

Эдвайзер институты студенттің табысты оқуының, бейімделуінің және кәсіби қалыптасуының маңызды бөлігі болып табылады. Оның қызметі білім сапасын арттырып, жастардың оқу процесіне деген оң көзқарасын дамытады.