2016 жылдың 9 қарашасында БҚИТУ, тілдер және менеджмент факультетіне Самара басқару институтының ректоры, оқытушылары мен студенттерінен құралған делегация келіп университет басшылығымен кездесті.
Кездесу барысында екі жақтың ректорлары өзара келісім-шарттарға қол қойды. Осы шара аясында тілдер және менеджмент факультетінің студенттік өзін-өзі басқару ұйымы және Самара басқару институтының өзін-өзі басқару ұйымының студенттерінің қатысуымен «Студенттердің өзін-өзі басқару ұйымдарының дамуының мәселелері мен келешегі» тақырыбындағы дөңгелек үстел өткізілді. Дөңгелек үстел барысында ЖОО-дардағы студенттік өзін-өзі басқару ұйымдарының ҚР жастар саясаты туралы заңмен ұштасуы, ЖОО-дағы студенттік өзін – өзі басқару ұйымының ролі, проблемалары және болашақ маман болып қалыптасуға беретін мүмкіндіктері туралы айтылды.
Тілдер және менеджмент факультетінің студенттері қонақтарды факультетпен таныстырып, экскурсия жасады. Түстен кейін қонақтарға Орал қаласының тарихи орындарымен экскурсия ұйымдастырылды.