14 қарашада Орал қаласындағы жоғары оқу орындарының 1-курс студенттері арасында «Жаңа толқын – 2023» облыстық шығармашылық фестивалі өтті. Дәстүрлі шараның мақсаты – жоғары оқу орындарының студент жастары арасында достық байланыс орнату, жас өнерпаздарды, дарынды жастарды анықтау, шығармашыл студенттердің өзара тәжірибе алмасуына жағдай туғызу.
Облыстық фестивальға Батыс Қазақстан инновациялық-технологиялық университетінің 50-ден астам студенті белсенді қатысып, ұйымшылдық танытты. Талантты да, талапты жастарымыз жоғары деңгейде өнер көрсетіп, бірнеше аталым бойынша жүлдегер атанды. Атап өтсек:
Нұрболат Шапағат, Нұрлыбекұлы Ернұр, Сдихова Диляра, Али Зияхан  «Көркем сөз оқу шебері» номинациясында I орын,
Нәдірбаева Алтынай «Патриоттық ән» және «Эстрадалық ән» номинацияларында II орын, Хореография жанры бойынша «Ұлттық би» және «Заманауи би» номинацияларында II орын, Байбақты Жандос «Дәстүрлі ән» номинациясында IІI-орын, Қуатов Азамат «Үздік мобилограф» номинациясында III орынды жеңіп алды.
Шығармашыл студент жастардың облыстық фестивалінде лайықты өнер көрсетіп, БҚИТУ мерейін үстем еткен барша қатысушыларға алғыс айтамыз!

Ұйымдастыру және тәрбие бөлімі