2026 жылғы 10 сәуірде Білім беру және менеджмент институтының қаржы және экономика кафедрасы «Абай мұрасы Қазақстанның қазіргі экономикалық ғылымы аясында» атты халықаралық ғылыми конференция өткізді. Конференция аралас форматта ұйымдастырылып, үш тілде жүргізілді. Аталған ғылыми іс-шараның негізгі мақсаты — Қазақстандағы заманауи экономикалық теория мен практика тұрғысынан Абайдың философиялық, этикалық және әлеуметтік-экономикалық идеяларын зерделеу және қайта пайымдау үшін кешенді пәнаралық алаң қалыптастыру болды.
Конференция жұмысына Қазақстан, Тәжікстан, Өзбекстан және Ресей Федерациясының жоғары оқу орындарынан келген ғалымдар қатысты. Тәжікстан мемлекеттік коммерция университетінің өкілдері — экономика ғылымдарының кандидаты, доцент, бірінші проректор, оқу ісі жөніндегі проректор А.Р. Құрбонов және физика-математика ғылымдарының кандидаты, экономикадағы цифрлық технологиялар кафедрасының доценті Н.С. Салимов офлайн форматта баяндама жасады. Конференция аясында елдердің әлеуметтік-экономикалық дамуының өзекті мәселелері, оның ішінде орнықты даму, әлеуметтік теңсіздік, адами капиталды қалыптастыру және ұлттық экономикалық жүйелерді жаңғырту мәселелері талқыланды.
Конференция зерттеушілер мен оқытушылар арасындағы ғылыми диалогты дамытуға ықпал етіп, Абайдың гуманистік құндылықтарын — ұтымдылық, моральдық жауапкершілік, білім және әлеуметтік әділеттілік қағидаттарын — заманауи экономикалық дискурсқа кіріктіруге мүмкіндік берді.
