Салалық технологиялар институтының Ғылым бөлімі мақтанышпен хабарлайды:
«Ветеринария және техносфералық қауіпсіздік» кафедрасының оқытушысы Смағұлов Дархан Бақытбекұлы, PhD, қауымдастырылған профессор ғылыми атағын иеленді.

Бұл ғылыми атақ оның жоғары кәсіби, ғылыми және педагогикалық біліктілігін, институттың ғылыми-зерттеу және білім беру қызметін дамытуға қосқан елеулі үлесін, сондай-ақ заманауи ғылымның философиялық және әдіснамалық негіздерін қалыптастырудағы маңызды рөлін айқындайды.

Аталған жетістік «Ветеринария және техносфералық қауіпсіздік» кафедрасының және жалпы институттың ғылыми беделін арттырып, жас ғалымдар мен мамандарды ғылым мен білім беру саласында кәсіби дамуға ынталандырады.

Салалық технологиялар институтының Ғылым бөлімі кафедра ұжымын және Батыс Қазақстан инновациялық-технологиялық университеті Салалық технологиялар институтының басшылығын осы маңызды академиялық жетістікпен шын жүректен құттықтайды.