Батыс Қазақстан инновациялық-технологиялық университетінің «Құқық қорғау қызметі» білім бағдарламасының 4 курс студенттері Орал қаласының әкімшілік құқық бұзушылықтар жөніндегі мамандандырылған ауданаралық сотында теориялық білімді тәжірибемен ұштастыру мақсатында кәсіптік-бағдарлық сабаққа қатысты.

Университет  студенттерінің теориялық білімдерін пысықтап, практикалық дағдыларын қалыптасыру үшін кәсіптік-бағдарлық сабақ аясында ашық сот процесіне қатысуға рұқсат етілді.

Кездесу барысында студенттерге электрондық сот ісін жүргізуді жүзеге асыру тәртібі, «Төрелік» ақпараттық жүйесінің қызметі көрсетілді.

Іс-шара соңында «Тарих және құқық» кафедрасының студенттері мен аға оқытушы А.Ж.Габдулов тарапынан сот процессін жүргізген сот төрайымы Нурмагамбетова Ботагөз Темірбекқызына және кеңсе қызметкерлеріне атқарған қызметтері үшін алғыстарын білдірді.