2025 жылдың 28-сәуірінде «Қаржы және экономика» кафедрасының оқытушылары мен білім алушылары Стела алаңында орналасқан «Мәңгілік алау» мемориалды кешеніне барды. Шара мақсаты – өскелең ұрпақты қазақстандықтардың ерліктерін құрметтеуге және патриотизмге тәрбиелеу. 

Ұлы Отан соғысы құрбандарына еске алу мақсатында білім алушылар жеңіс туралы өлең шумақтарын оқып, гүл шоқтарын қойып, қаза тапқан ерлердің аты-жөндерімен және соғыс барысында қолданылған әскери техникалармен танысты.

Білім алушылар ардагерлердің сұрапыл соғыстағы сөзсіз ерліктері мен жанқиярлықтарын атап өтіп, бүгінгі бейбітшілік пен тұрақтылықты сыйлағандықтары үшін өз алғыстарын білдірді.