12 сәуір 2023 жылы “Ғылым онкүндігі-2023” қорытындысын шығаруға арналған БҚИТУ инженерлік-гуманитарлық факультетінің кітапханасында факультет ғалымдарының ғылыми жетістіктерінің көрмесі дайындалды. Көрмеде факультеттің профессорлық-оқытушылық құрамының ғылыми мақалалары, патенттері, монографиялары, оқулықтары мен оқу-әдістемелік құралдары ұсынылды.
Осы іс-шара аясында ғылыми және білім беру бағыты бойынша, профессор-оқытушылар құрамының еңбектері студенттердің, магистранттар мен докторанттардың қызығушылықтарын тудырды. Көрме факультет ғалымдарының университеттің ғылыми әлеуетін арттыруға, елдің ғылым және білім саласын дамытуға лайықты үлес қосатынын тағы да көрсетеді.
