Вебинарды Салалық технологиялар институтының оқытушылары мен ғылыми қызметкерлері үшін ветеринария және техносфералық қауіпсіздік кафедрасының доценті, ауыл шаруашылығы ғылымдарының докторы Қ.Ғ. Есенғалиев өткізді.

Мақсаты — қатысушыларға жарияланымдық қызметтегі заманауи цифрлық мүмкіндіктерді түсінуге, «EDP Hub» және «IPR MEDIA» халықаралық баспаларымен жұмыс істеуге және өздерінің ғылыми және оқу-әдістемелік материалдарын ілгерілетуге көмектесу.

Вебинар барысында келесі мәселелер қарастырылды:

• Ғылыми және оқу-әдістемелік жарияланымдарды дайындауға қойылатын ережелер мен талаптар;
• Авторлар мен оқытушыларға арналған цифрлық құралдар;
• Мәтінді және сілтемелерді ресімдеу ерекшеліктері;
• Заманауи баспа платформаларымен жұмыс істеу;
• Материалдарды дайындау кезінде цифрлық және жасанды интеллект (ЖИ) құралдарын пайдалану бойынша практикалық ұсыныстар;
• Жарияланымдық белсенділікті арттыру және «Global SciCall: жаңа білім қоры» сияқты конкурстарға қатысу мүмкіндіктері;
• Академиялық этика және жарияланымдар сапасының мәселелері.