Ашық сабақ – педагогикалық тәжірибені тарату мен алмасудың маңызды түрі, жоғары мектеп оқытушысының өзіндік визиттік карточкасы болып табылады. Біздің университетте профессорлық-оқытушылық құрамның педагогикалық шеберлігін дамытуға, соның ішінде педагогикалық шеберлік мектебінің қызметі арқылы ерекше назар аударылады.
2025 жылғы 4 қараша күні Мұнай-газ инженериясы кафедрасының қауымдастырылған профессоры Ихсанов Қ.А. «Ұңғыма өнімдерін жинау және дайындау» пәні бойынша «Ілеспе мұнай газын тасымалдауға дайындау» тақырыбында дәріс-сұхбат форматында НД-42 О тобының студенттеріне ашық сабақ өткізді.
Сабақ барысында Қайырбек Айтжанович тиімді педагогикалық әдіс-тәсілдерді және заманауи білім беру технологияларын қолданып, өзінің инновациялық оқыту тәжірибесін ұсынды және авторлық әдістемелік тәсілдерін жүзеге асырды.
Іс-шараға Салалық технологиялар институтының әдістемелік бөлімінің басшысы Калниязова Арайлым мен Мұнай-газ инженериясы кафедрасының оқытушылары қатысты. Қатысушылар Қайырбек Айтжановичтің жоғары кәсіби шеберлігін, біліктілігін және педагогикалық қабілетін атап өтті, сондай-ақ қолданылған әдістемелердің тиімділігі мен өзектілігін жоғары бағалады.
Осындай іс-шараларды өткізу алдыңғы қатарлы педагогикалық тәжірибені таратуға, білім беру үдерісінің сапасын арттыруға және университет оқытушыларының кәсіби өсуіне ықпал етеді.
