2021 жылдың 22 сәуірінде Батыс Қазақстан инновациялық-технологиялық университетінің тілдер және менеджмент факультетінің студенттері Б.Б. Городовиков атындағы Қалмақ мемлекеттік университетінің базасында өткен «Тренды социально-экономического развития в условиях реального и виртуального мира» атты Ұлттық студенттік ғылыми-практикалық конференциясына қатысты.

   «Есеп және аудит» мамандығының III курс студенті Чумакова Кристина «Положительные и отрицательные эффекты экономики в условиях пандемии» тақырыбындағы баяндамасымен бірінші орынға ие болды. Ғылыми жетекшісі – есеп және қаржы кафедрасының доценті, экономика ғылымдарының кандидаты Курманова Гульнара Кусаиновна.

   «Менеджмент» білім беру бағдарламасының I курс студенті Баймаганбетова Асылзада «Роль Суэцкого канала в мировой экономике» тақырыбындағы баяндамасымен үшінші орынды иеленді. Ғылыми жетекшісі – экономика және менеджмент кафедрасының аға оқытушысы Нургалиева Элеонора Маратовна.

   «Менеджмент» білім беру бағдарламасының I курс студенті Ларин Евгений «Современное состояние сельского хозяйства в Западно-Казахстанской области» тақырыбындағы баяндамасымен «Первые шаги в науке» номинациясын жеңіп алды. Ғылыми жетекшісі – экономика және менеджмент кафедрасының аға оқытушысы, экономика магистрі Тимиргалиев Ильяс Наурзбаевич.

   Студенттер мен ғылыми жетекшілерін жеңістерімен құттықтаймыз және болашақта табыс тілейміз.

БҚИТУ ректораты

БҚИТУ жас ғалымдар кеңесі