2022 жылдың 15 сәуір күні Батыс Қазақстан инновациялық-технологиялық университетінің «Құқық қорғау қызметі» білім бағдарламасының 3-курс студенттері Мәншүк Мәметованың мемориалдық музейінде өткен «Саяси қуғын сүргін құрбандарын ақтау» тақырыбындағы кездесуге қатысты.

Кездесу барысында, қазақ даласында 1936-1938 жылдары және Ұлы Отан соғысынан кейінгі уақытта саяси тұтқынға түсіп, сотталған тұлғаларды ақтау және соғыс жылдарында іс-түссіз жоғалған тұлғаларды анықтап, боздақтар қатарына енгізу мәселелері қозғалды.

Кездесу аясында студенттер шараға белсене қатысып, саяси-қуғын сүргін құрбаны болған тұлғаларды ақтау жұмыстарына қатысуға қызығушылықтарын білдірді.

Шарадан кейін, студенттер мұражайдың жәдігерлерімен танысып, мұражай кульминациясы «Мәншүктің өшпес ерлігі» диорамасын көріп, ерекше эмоциялық әсерге бөленді.