2022 жылдың 10 қаңтары мен 12 қаңтары аралығында БҚИТУ кафедраларында ғылыми семинарлар өткізілді. Іс-шараның мақсаты – оқытушылардың ғылыми зерттеулерінің нәтижелерін ұсыну және талқылау, перспективалық бағыттарды анықтау және бағалау, ғылыми-практикалық, ғылыми-зерттеу және инновациялық қызметте тәжірибе алмасу.
Ғылыми семинарларда кәсіпорындар мен ұйымдардың тапсырыстары бойынша жүргізілген зерттеулер туралы ғылыми жетекшілер мен орындаушылардың баяндамалары тыңдалады; 2021 жылға қазақстандық және шетелдік жоғары оқу орындарымен бірлескен ғылыми зерттеулерді орындау бойынша шығармашылық ынтымақтастық жоспарларын іске асыру туралы есептері; ҚР жоғары оқу орындарының докторанттары мен РФ жоғары оқу орындарының аспиранттарының ғылыми-зерттеу жұмыстарын орындауы туралы есептер, сондай-ақ Қазақстан Республикасы Білім және ғылым министрлігінің гранттық қаржыландыру конкурсына қатысу үшін ғылыми-зерттеу жобаларының тақырыптары ұсынылды.
Семинар соңында кафедра меңгерушілері қорытынды шығарып, семинар жұмысының негізгі нәтижелерін атап өтті.
БҚИТУ ғылыми бөлімі