«Денсаулық күні» фестивалі

2017 жылдын 16 қыркүйек күні №1 ОРМБЖМ стадионында (П.А.Атоян атындағы стадион)  Батыс Қазақстан  инновациялықтехнологиялық университетінің оқытушылар мен студенттердің арасында «Денсаулық күні» спорттық сауықтыру фестивалі ұйымдастырылды.

Фестивалдің негізгі мақсаты:

– студенттерінің белсенділігінін арттыру;

– студенттер арасында спорттық өнерді насихаттау;

– дене шынықтыру арқылы студенттердің өзара қарым-қатынастарын нығайту.

Өз сөзінде БҚИТУ ректоры, профессор Р.С.Габдуалиева барлық қатысушыларды бүгінгі «Денсаулық күні» фестивалімен шын жүректен құттықтап, алдағы сайыстарда биіктен көрінулеріне тілек білдірді.

Жарыс келесі сайыс түрлері бойынша өтті:

– эстафета сайысы 4х100  (4 ер бала, 4  қыз бала) әр факультеттен;

– кір тасын көтеру (16 кг) ер балалар арасында;

– арқан тарту – әр факультеттен 1құрама команда (10 қыз бала);

– арқан тарту – әр факультеттен 1құрама команда (10 ер бала);

– шағын футбол (10 ер бала);

– қабырға газеті (әр факультеттен екі топ қатыса алады).

Жарыстын қорытындысы бойынша келесі факультеттердің құрама командалары жүлделі орындарға ие болып, алғыс хаттармен марапатталды:

  • Педагогика факультеті – I орын;
  • Гуманитарлық – заңтану факультеті – II орын;
  • Инженерлік – технологиялық факультет – III орын;
  • Тілдер және менеджмент факультеті – IV орын.

Республикалық «Жайдарман» КТК ойыны

Астана қаласы Жастар саясаты мәселелері басқармасының ұйымдастыруымен Республикалық «Жайдарман» ойындары өтті. Бүгінгі күні Жайдарман елімізде жастар арасында кең тараған қызықты ойындарының бірі. Бұл тележобада басты мақсаты қазіргі қоғамның негізгі мәселелерін әзілмен жеткізе отырып, ұлттық құндылықтарымызды дәріптеу.

Жайдарманның негізгі тақырыбы Елорданың өмірі мен жастары. Еліміздің түкпір-түпкірінен келген ойыншылар өздерінің ең үздік әзілдерін ұсынды. Батыс Қазақстан облысы атынан Батыс Қазақстан инновациялық – технологиялық университеті педагогикалық факультетінің студенттерінен құралған «Жаңа толқын» КТК командасы қатысты. Бүл додаға барлығы 300-дей ойыншымен 39 команда қатысты. Жайдарманның басты ерекшелігі қазақ тілінде өтуі. Қатысушылардың жасы 15 пен 25 аралығын қамтиды. Жарысқа қатысушы жаңа ойыншылар үшін Жайдарман өнерге басқан алғашқы қадам болды. Ерекше көзге түскен командалар: С.Сейфуллин атындағы Қазақ агро-техникалық университеті «Аграрка», Қазақ ұлттық өнер университеті «Шабыт», Батыс Қазақстан инновациялық – технологиялық университеті «Жаңа толқын» командалары. Астана қаласы жастар саясаты басқармасы жыл сайын Жайдарман ойындарын өткізуді дәстүрге айналдырған.

Ссылки на видео:

https://www.youtube.com/watch?v=3YcNSWbDPic&t=9s
https://www.youtube.com/watch?v=-fUUGestHag&t=6s

Студенттердің «Инновации в экомониторинге рек России» атты Бүкілресейлік ғылыми жас ғалымдар мектебінің жұмысына қатысуы

Батыс Қазақстан инновациялық-технологиялық университеті инженерлік-технологиялық факультетінің Мустафиев Р., Соболев Н., Исмаилов А., Курмашева К., Умбеткалиева Г. (БЖД-12), Мыржикова А., Кажгалиева Р. (ЭКЛ-21) топ студенттері жоғарғы оқу орнының насихаттауымен оқу және өндірістік практиканы Ю.А. Гагарин атындағы Саратов мемлекеттік техникалық университетінің «Политехник» спорттық-сауықтыру лагерінде (ССЛ) жіберілді.

Практика аясында студенттер «Инновации в экомониторинге рек России» Бүкілресейлік ғылыми жас ғалымдар мектебіне қатысты. Бүкілресейлік ғылыми жас ғалымдардың мектебінде Ю.А. Гагарин атындағы СМТУ экология кафедрасының студенттері мен аспиранттары, сонымен қатар Санкт-Петербург өндірістік технологиялар және дизайн мемлекеттік университеті, Ульянов мемлекеттік университеті, Пенза мемлекеттік технологиялық университеті, Мәскеу қаласының Жерге орналастыру мемлекеттік университеті қатысты.

Бағдарлама аясында Экология кафедрасының доценті Беляченко Сергей, Н.Г. Чернышевский атындағы Саратов мемлекеттік университетінің биология факультетінің профессоры Аникин Василий су экожүйесінің алуантүрлілігін бағалау бойынша мастер-кластар жүргізді.

Әр қатысушы өздеріне берілген ғылыми зерттеу жобасы бойынша қазіргі заманғы құралдарымен, судың және түбіндегі шөгінділер үлгісін алудың мобильді зертханасы, судың сапасын бағалауын химиялық-аналитикалық экспресс әдіспен және т.б. қолданды. Сонымен қатар  Экология кафедрасының профессоры Бобырев Сергей жетекшілігімен су объектілерінің экологиялық мониторингін жүргізу үшін MatLab бағдарламасын қолдануды жас ғалымдар меңгерілді.

Студенттер бос уақытында ойын-сауық бағдарламаларға «Мистер Политехник – 2017», «Мисс Политехник – 2017», спорттық ойындарға қатысты.

Сапар барысында студенттер жақсы әсермен, сонымен қатар мақтау қағаздарымен және сертификаттармен, жаңа ашуларға дайын көзқарастарымен шабытпен қайтты.

Біздің студенттер – EXPO -2017 еріктілері

Биылғы жылдың ең айшықты оқиғасы болған, Елордамыз Астанадағы EXPO – 2017 көрмесіне тамыз айының алғашқы күндерінде Батыс Қазақстан облысының делегациясы құрамында Батыс Қазақстан инновациялық – технологиялық университетінің еріктілері  аттанды.

Тілдер және менеджмент факультетінен жіберілген барлық еріктілер үш тілді еркін меңгерген,  білімді, қоғамдық жұмыстарда, еріктілік қызметте тәжірибелері бар белсенді студенттер: Мендешова Әсел, Қосдаулетова Айсулу, Чампалов Сергей, Даулетбаева Әсел, Елеуов Мақсат, Тасмуханбетова Айда.

Үлкен іріктеуден, екі жылдық дайындық: арнаулы курстар, тренингтер мен семинарлардан өткен біздің студенттеріміз, бүгінде көрменің жұмысына етене кірісіп, өз үлестерін қосып жатыр. Бұл өте қызық әрі жауапты жұмыс. Еріктілердің бірқатары көрме аймағында адамдар легін бағыттап тұрса, екіншілері келушілердің билеттерін тексеріп, адамдарға көмектеседі; қызметкерлерге медициналық қызметте көмектесіп, көлік еріктілері тұрақтардағы көліктер легін реттеп, бағыттап отырады. Одан басқа осы көрменің ұйымдастырылуы аясындағы кешенді шараларға, концерттерге қатысады.

Бүгінгі күнге дейін көптеген шаралардың ұйымдастыруына қатысқан еріктілер өз әсерлерін айтып жеткізе алмайды. Ал біз өз кезегімізде Еліміздің ең айтулы оқиғасында өз үлестерін қосып жатқан студенттерімізге сәттіліктер тілейміз!

Педагогикалық факультет Білім күнін атап өтті

Батыс Қазақстан инновациялық-технологиялық университеті жылдағы дәстүр бойынша білім күнін атап өтті. Бұл күн университетіміз үшін, әсіресе, оқу орнымыздың табалдырығын жаңа аттаған шәкірттерімізге айтулы мереке. Факультетіміздің білім күніне арналған салтанатты жиынына оқытушылар құрамы мен студенттер қатысты. Батыс Қазақстан инновациялық-технологиялық университетінің оқу ісі жөніндегі проректоры, профессор Ж.Т.Ерназаров, педагогикалық факультеттің деканы, х.ғ.к., профессор Б.С.Жұмақаева, филология ғылымдарының докторы, профессор М.Б.Сабыр жаңа оқу жылының басталуымен құттықтап, лебіздерін жеткізді.

Страница 1 из 3012345...102030...Последняя »