2016 жылдың 4 қарашасында инженерлік-технологиялық факультетінде «Ғылыми зерттеулер әдістемесі» тақырыбында халықаралық ғылыми-әдістемелік семинар өткізілді. Семинардың мақсаты ғылыми-зерттеу жұмыстарын көпшілік талқылау, ғылыми құзіреттілік дағдыларын қалыптастыру, теориялық негіздер және ғылыми зерттеулер әдістемесінің қолданбалы аспектілері туралы ғылыми көзқарастар қалыптастыру, ғылыми-зерттеу жұмыстарының қорытындыларын жасақтау дағдыларын қалыптастыру болып табылады.

Ғылыми семинар жұмысына Ю.А. Гагарин атындағы Саратов мемлекеттік техникалық университетінің өкілдері б.ғ.д., профессор Тихомирова Е.И., б.ғ.к., доцент Симонова З.А., БҚИТУ-дың ғылыми жұмыстар және халықаралық байланыстар жөніндегі проректоры Бурахта В.А., факультеттің кафедра меңгерушілері, сондай-ақ факульттеттің жас ғалымдары, аспиранттар мен магистранттар қатысты.

Семинар жұмысы шеңберінде баяндамалар тыңдалып, зерттеу әдістері мен түрлері, магистратураға, аспирантураға, докторнатураға түсу және оқу ерекшеліктері секілді сұрақтар талқыланды.  Кафедра профессорлық-оқытушылар құрамы, магистранттар мен аспиранттардың ғылыми зерттеулер жүргізу үшін өзара ынтымақтастықты күшейту мәселелері, сондай-ақ шекаралас өңірлер арасындағы тығыз ғылыми байланыстар орнату мәселелері кеңінен талқыланды.