2022 жылғы 10 маусымда Орал қаласында “Жасыл трансформация: трендтер мен сын-қатерлер” атты V Халықаралық экологиялық форум өтті. Форум аясында БҚИТУ ИГФ экология және биотехнология кафедрасының студенттері мен оқытушылары мотивациялық спикерлер мен экология саласындағы кәсіби жаттықтырушылардың қатысуымен өткен БҚО-ң студент жастарына арналған “Тұрақты болашақ үшін жасыл курс” атты семинарға қатысты. Семинардың мақсаты экологиялық хабардарлықты арттыру және экологиялық басымдықтар мен құндылықтармен жаңа ұрпақты тәрбиелеу болып табылады. БЖД-34О тобының студенттері Муканова Анжела, Сластина Валентина, Ажгалиева Аида “Менің экоәдеттерім” тақырыбында авторлық жұмыстарды дайындап, конкурста таныстырды. Барлық қатысушылар форум ұйымдастырушылары тарапынан сертификаттармен және естелік сыйлықтармен марапатталды.