2026 жылғы 9-қарашада Батыс Қазақстан инновациялық-технологиялық университетінде “Бизнес-стартаптар” курсы бойынша қонақ дәрісі өткізілді.

Іс-шара 6В03101 “Психология” білім беру бағдарламасының студенттері үшін (ПС-321 тобы) ұйымдастырылды.

Шақырылған лектор ретінде экономика ғылымдарының магистрі, бизнесті дамыту жөніндегі Республикалық қауымдастықтың құрылтайшысы, Астана қаласы бойынша филиалдың басшысы, бизнес — тренер З.М. Бадеева сөз сөйледі.

Қонақ дәрісін экономика ғылымдарының кандидаты, қауымдастырылған профессор Суханбердина Б.Б. білім алушылардың кәсіби даярлық деңгейін арттыру және кәсіпкерлік және бизнес-стартаптарды дамыту саласында практикалық білім алу мақсатында ұйымдастырды.

Кездесу барысында лектор өзінің кәсіби тәжірибесімен бөлісті, стартаптарды құру және ілгерілету негіздері туралы айтып берді, сондай-ақ бизнесті жүргізудің негізгі аспектілеріне назар аударды.

Өткізілген іс-шара студенттерге теориялық білімді сарапшының нақты практикалық тәжірибесімен біріктіруге мүмкіндік берді, бұл олардың болашақ кәсіби қызметіне құнды қосымша болады.