БҚИТУ Инженерлік-гуманитарлық факультетінің Техника және технология кафедрасының аға оқытушысы Кумискали Жубанышевич Губайдуллиннің жетекшілігімен 6В07104 – “Технологиялық машиналар және жабдықтар” БББ бойынша білім алушылары “ОралАгрореммаш” АҚ танысу экскурсиясында болды.

“ОралАгрореммаш” АҚ – арнайы техника шығаратын Қазақстандағы ең ірі кәсіпорын. Зауыт 1955 жылы құрылған және 65 жылдан астам уақыт бойы Қазақстан мен таяу шетел нарығын қажетті арнайы техникамен, сыйымдылықты – құю техникасымен, металл конструкцияларымен және түрлі үлгідегі қоршаулармен қамтамасыз етіп келеді.

Бүгінгі таңда “ОралАгрореммаш” АҚ өз тұтынушыларына тауарлар мен қызметтердің кең ассортиментін ұсынады. Зауыт рекордтық көлемде арнайы техникалар шығарды. Сонымен қатар, автотехниканың сапасы, оның көп функционалдылығы, қызмет көрсету ыңғайлылығы одан да жоғары және кәсіби деңгейде болды.

Экскурсияға қатысушылар компания жұмысының инновациялық әдістерін ғана емес, сонымен қатар оның ашықтығын, демократиялылығы мен достық атмосферасын да жоғары бағалады. Білім алушыларға “УральскАгрореммаш” АҚ экскурсия өте ұнады.