2023 жылдың 11 сәуірінде Қазақстан Ғылым қызметкерлері күні – кәсіби мерекесі қарсаңында инженерлік-гуманитарлық факультетінде студенттер арасында «Start UP Жастар» бизнес-жобалар байқауы оздырылды. Жарыс қортындысы бойынша: жүлделі 1-орынды «Capable» командасы, 2-орынды «Public Concern» командасы, 3-орынды «Светодиод» командасы иеленді. Жеңімпаздар дипломдармен және сыйақылармен марапатталды. Сонымен қатар, «Үздік әлеуметтік жоба» номинациясы бойынша «Эко әлем» командасы, «Үздік инновациялық жоба» номинациясы бойынша «Стеновик» командасы жеңімпаз деп танылды.

Бизнес-жобалар байқауының қазылар алқасының төрайымы-Батыс Қазақстан облысы Кәсіпкерлер Палатасының қаржылық емес қолдау бөлімінің басшысы Жубаева Сәуле Ибрагимовна студенттерге өздерінің ұсынған қызықты және өзекті жобалары үшін алғыс айтып, қажетті идеяларға қол жеткізуде табыс тіледі.