Батыс Қазақстан инновациялық-технологиялық университеті Орал қаласының мектептерінде кәсіптік бағдар беру жұмыстарын бастады. Маркетинг және жоғары оқу орнына дейінгі дайындық басқармасының қызметкерлері БҚИТУ-дағы дайындық бағыттары, қабылдау шарттары, білім беру мүмкіндіктері және студенттік өмір туралы ақпараттандыруға бағытталған жоғары сынып оқушыларымен кездесулер өткізді.

Жұмыстың мақсаты – оқушыларға болашақ мамандық пен оқу орнын таңдауға көмектесу, сонымен қатар университетті сапалы жоғары білім алу үшін заманауи алаң ретінде ұсыну.

Іс-шаралар барысында оқушыларға дайындық бағыттары, қабылдау шарттары, гранттар, студенттік өмір және БҚИТУ қабырғаларында кәсіби даму мүмкіндіктері туралы ақпараттар беріледі. Өзекті және сұранысқа ие мамандықтарға, сондай-ақ талапкерлерді жеке қолдауға ерекше назар аударылады.

Кәсіптік бағдар беру жұмысы оқу жылы ішінде қала және өңір мектептерінде жалғасады және болашақ талапкерлер арасында саналы кәсіби таңдауды қалыптастырудағы маңызды кезең болып есептелінеді.