«KAZENERGY» қауымдастығы «Шелл Қазақстан Б.В.» компаниясымен
әріптестікте және оның қаржылық қолдауымен (бұдан әрі – Ұйымдастырушылар) ағымдағы жылғы 8 сәуірден бастап бакалавриат және магистратура бағдарламалары бойынша оқып жатқан Қазақстанның ЖОО студенттері арасында «Student Energy Challenge» байқауының (бұдан әрі – Байқау) сегізінші маусымын өткізетіндігі туралы жариялайды.
Жеңімпаз командалары үшін Байқаудың жалпы сыйлық қоры 7 050 000 теңгені құрайды және зерттеу гранты түрінде ұсынылады.
Байқауға қатысу үшін 18-25 жас аралығындағы студенттерге:
1. 2 ден 4 адамға дейін тұратын команда құру;
2. Команда атауын ойлап табу;
3. Команда капитанын таңдау;
4. Байқаудың келесі бағыттарының біреуін таңдау қажет:
– энергетика;
– энергетикадағы жаңа технологиялар;
– экология және қоршаған ортаға шығарындыларды төмендету;
– қалдықтарды кәдеге жарату және қайта өңдеу.
5. Команданың әр мүшесінің оқуы туралы анықтама алу.
6. sech.kazenergy.com сайтына команданы тіркеуге өтінім беру. Команда елдегі қазақстандық жоғары оқу орындарының бірін ұсынады, құрамында әртүрлі мамандықтар мен оқу курстарының студенттері болуы мүмкін. Байқауға әр университеттен бірнеше команда қатыса алады.
Байқауды ұйымдастыру мәселелері бойынша +7 7172 79 01 87 телефоны немесе e-mail: sech2024@kazenergy.com бойынша жолығуға болады.
Байқау шарттары туралы барлық ақпаратпен www.kazenergy.com сайтында –Қызметі – Білім беру бағдарламасы – «Student Energy Challenge» командалық байқаулары сілтемесі бойынша танысуға болады.
Анықтамалық: «KAZENERGY» қауымдастығы және «Шелл Қазақстан Б.В.» компаниясы «Student Energy Challenge» байқауын 2017 жылдан бастап өткізіп келеді.