2026 жылғы 19 қарашада Батыс Қазақстан инновациялық-технологиялық университеті (БҚИТУ) өкілдерінің Непалдың StudyInNepal халықаралық білім беру платформасының өкілдерімен онлайн-кездесуі өтті. Кездесудің негізгі мақсаты Қазақстан мен Непалдың жоғары оқу орындары арасындағы академиялық, ғылыми және білім беру салаларындағы ынтымақтастықты дамытудың перспективаларын талқылау болды.

Кездесу барысында қатысушылар өз ұйымдарының негізгі қызмет бағыттарын таныстырып, ұзақ мерзімді әріптестік қатынастарды орнату мүмкіндіктерін талқылады және жоғары білім, ғылым мен халықаралық академиялық ұтқырлық салаларындағы өзара іс-қимылдың перспективалық бағыттарын айқындады.

Кездесуде Непалдың жоғары оқу орындарымен тікелей әріптестік байланыстар орнату мәселесіне ерекше көңіл бөлінді. StudyInNepal өкілдері әлеуетті университет-серіктестерді анықтауға, олардың халықаралық байланыстар жөніндегі құрылымдық бөлімшелерімен және бейінді кафедраларымен өзара іс-қимылды ұйымдастыруға, сондай-ақ бірлескен академиялық және ғылыми бастамаларды іске асыру мүмкіндіктерін іздестіруге жәрдем көрсетуге дайын екендіктерін білдірді.

Алдағы ынтымақтастықтың перспективалық бағыттары ретінде төмендегілер айқындалды:

  • студенттердің, профессор-оқытушылар құрамының және ғылыми қызметкерлердің академиялық ұтқырлығын дамыту;
  • БҚИТУ-дың профессор-оқытушылар құрамының Непал университеттерінде ғылыми-зерттеу тағылымдамаларынан өтуін ұйымдастыру;
  • бірлескен ғылыми-зерттеу жобаларын әзірлеу және іске асыру;
  • бірлескен ғылыми жарияланымдар дайындау және халықаралық ғылыми іс-шараларға қатысу;
  • жазғы және қысқы білім беру және ғылыми мектептерді ұйымдастыру;
  • білім беру технологиялары және білім беру бағдарламаларын оқу-әдістемелік қамтамасыз ету салаларында тәжірибе алмасу;
  • БҚИТУ мен Непалдың жоғары оқу орындары арасында тікелей университетаралық әріптестік қатынастар орнату.

Кездесу қорытындысы бойынша тараптар халықаралық өзара іс-қимылды одан әрі дамытуға және кәсіби диалогты жалғастыруға өзара мүдделілік білдірді. Алдағы кезеңдегі нақты қадамдардың бірі ретінде Непалдағы әлеуетті университет-серіктестердің тізбесін айқындау, мүдделі білім беру және ғылыми ұйымдармен тікелей байланыстар орнату, сондай-ақ өзара тиімді ынтымақтастықтың басым бағыттарын нақтылау ұсынылды.

 

ЖМЖКББМ «Батыс Қазақстан инновациялық-технологиялық университеті»
  • Қазақстан Республикасы
    090000, Орал
    Н. Назарбаев даңғылы, 194
    reception@wkitu.kz