2024 жылдың 15 ақпанында «Сәулет және құрылыс» кафедрасында» аға оқытушы Ихсанова С.А. 6В07303 – «Жерге орналастыру және кадастр» білім беру бағдарламасы бойынша ЗК-12 тобында «Геодезия» пәнінен «Пландар мен карталардың масштабтары. Масштабтардың дәлдігі» тақырыбында ашық практикалық сабақ өткізді.
Сабақтың мақсаты студенттердің карта мен жоспарлар бойынша масштабты анықтау дағдылары мен қабілеттерін қалыптастыру, сабақта зейінділікті, ойлауды, дербестікті дамытуға ықпал ету және оқу үрдісіне топтың барлық студенттерінің белсенді қатысуын ескере отырып ұйымдастыру болды.
Сабақ барысында оқытудың бірнеше әдістері біріктіріліп, студенттермен жұмыстың әртүрлі формалары қолданылды: жеке тапсырма, топтық жұмыс, кроссвордты шешу, жаттығулар орындау. Сондай-ақ кері байланыс кезінде оқытушы мен студенттердің өзара әрекеттесу формалары пассивті, белсенді және интерактивті түрлері қолданылды.
