7М07202 – «Мұнай-газ ісі» білім беру бағдарламасының магистранттары Қазақстанның мұнай-газ саласындағы жетекші кәсіпорындарында – «ЖайыкМунай» ЖШС, «ҚазТрансОйл» АҚ, «МаңғыстауМұнайГаз» АҚ мекемелерінде өндірістік тәжірибеден өтуде.

Өндірістік тәжірибе – болашақ мұнайшы-инженерлердің кәсіби қалыптасуындағы маңызды кезеңдердің бірі. Дәл осы уақытта магистранттар университет қабырғасында алған теориялық білімдерін тәжірибеде қолданып, мұнай мен газды өндіру, тасымалдау және қайта өңдеу салаларындағы заманауи технологиялардың нақты өндіріс жағдайында қалай жүзеге асырылатынын көреді.

Тәжірибе барысында студенттер әртүрлі өндірістік және талдамалық жұмыстарды орындайды. Атап айтқанда: бұрғылау және сораптық жабдықтардың техникалық параметрлерін талдайды; ұңғымаларды пайдалану мен жөндеудің технологиялық сызбаларымен танысады; мұнайды бұрғылау, өндіру және дайындау процестерін бақылайды; өндірістік және экологиялық қауіпсіздікті қамтамасыз етуге қатысады; өндіріс тиімділігін арттырудың заманауи тәсілдерін меңгереді.

Арнайы көңіл инженерлік ойлау қабілетін, талдау жасау дағдыларын және нақты өндіріс жағдайында шешім қабылдау қабілетін дамытуға бөлінеді. Кәсіпорын тарапынан тәжірибе жетекшілері магистранттардың теориялық дайындығының жоғары деңгейін, жауапкершілігін және өз мамандығына деген қызығушылығын ерекше атап өтуде.

Өндірістік тәжірибе магистранттарға тек білімдерін бекітіп қана қоймай, сонымен қатар кәсіби мүмкіндіктеріне деген сенімділікті арттыруға, көзқарасын кеңейтуге және мұнай-газ саласының ерекшеліктерін тереңірек түсінуге жол ашады.

Біздің магистранттар жоғары дайындық деңгейін және кәсіби дамуға деген ұмтылысын көрсетіп келеді. Университет пен өнеркәсіптік кәсіпорындардың өзара ынтымақтастығы білім беру мен экономиканың нақты секторы арасындағы байланысты нығайтып, еліміздің мұнай-газ саласы үшін бәсекеге қабілетті әрі сұранысқа ие мамандарды даярлауға мүмкіндік береді.