29 қаңтар күні Алматы қаласында 28-ші қысқы дүниежүзілік Универсиада ойындары басталды. Жарысқа спорттың 12 түрі бойынша 85 медаль жиынтығы сарапқа салынды. Жарыстың ұйымдастырылуына шетелдіктерді қоса алғанда 3000-ға жуық волонтер мен 127 халықаралық сот және 600-ге жуық ұлттық техникалық мамандар қатысты.

Универсиада алау эстафетасының ашылу салтанаты біздің қаламызда 27 қаңтар күні сағат 10.00 де басталды. Универсиада алауын алып жүру құрметіне ие болғандар қатарында Батыс Қазақстан инновациялық-технологиялық университеті педагогикалық факультетінің «Дене шынықтыру және спорт» мамандығының  студенттері де бар:

1. Имангалиев Мирас – Батыс Қазақстан инновациялық-технологиялық университетінің студенттік ректоры, оқу үздігі, облыстық және республикалық ғылыми-практикалық конференциялардың бірнеше мәрте дипломанты, университеттің «Брейн-ринг» командасының капитаны, «Жас ғалым – 2015» номинациясының иегері.
2. Максутов Қали – Батыс Қазақстан инновациялық-технологиялық университеті бойынша Қазақстан студенттер Альянсының көшбасшысы, студенттер Альянсының республикалық слетін ұйымдастырушысы, жыл сайынғы халықаралық «Соседи-Көршілер» легерінің ұйымдастырушысы.
3. Жумагамбетова Асель – Батыс Қазақстан инновациялық-технологиялық университетінің студенті, қол күресінен ҚР спорт шебері,  ҚР  чемпионы,  Азия чемпионы, Әлем чемпионатының күміс жүлдегері.
4. Ноздрин Антон Юрьевич – велоспорттан ҚР спорт шеберлігіне үміткер, ҚР чемпионы, Азия чемпионы.
5. Қуанышқалиев Манас Арматұлы – Батыс Қазақстан инновациялық-технологиялық университетінің студенті, Садақ атудан ҚР спорт шебері, ҚР бірнеше дүркін чемпионы, Халықаралық турнирлердің жүлдегері.
6. Жаңбырбай Расул Серікұлы – Батыс Қазақстан инновациялық-технологиялық университетінің студенті, Бокстан ҚР спорт шебері, жастар арасында ҚР чемпионы, Халықаралық турнирлердің жеңімпазы.
7. Надыршина Элина – волейболдан ҚР спорт шеберлігіне үміткер, Қазақстан Республикасы жастар арасындағы чемпионы, ҚР ұлттық құрама командасының мүшесі, ҚР жасөспірімдер арасындағы чемпионаттың бірнеше дүркін чемпионы, ҚР жоғары лига командалары арасындағы чемпионаттың қола жүлдегері.
8. Замодеенко Михаил – волейболдан ҚР спорт шеберлігіне үміткер, ҚР чемпионатының қола жүлдегері.

Батыс Қазақстан облысы атынан қысқы универсиадаға қатысушылар арасында біздің университет студенттері де бар. Олар: педагогикалық факультеті «Дене шынықтыру және спорт» мамандығының 1 курс студенттері, шорт-тректен спорт шеберлері Анита Нагай мен Нуртлек Кажгали.

Университет әкімшілігі баршаңызды универсиаданың ашылуымен құттықтай отырып, спортшыларымызға тек жеңіс тілейді.