2020 жылдың 28-29 қазанында Батыс Қазақстан инновациялық-технологиялық университетінің оқытушылары, студенттері мен магистранттары Еділ өңірі мен Батыс Қазақстан жастарының “Стартап”халықаралық форумына қатысты. Форум “Еуразия-Поволжье” ақпараттық-талдау орталығының, Саратов облысының экспортты қолдау орталығының, РФ Саратов облысының және ҚР Батыс Қазақстан облысының іскерлік клубының, Волгоград халықаралық гуманитарлық ынтымақтастық орталығының қолдауымен онлайн форматта ұйымдастырылды.

Форумға Батыс Қазақстан және Поволжье жоғары оқу орындарының жас кәсіпкерлері, студенттері, магистранттары, оқытушылары қатысты.

Форумда әлеуметтік жастар жобалары, табысты стартаптар ұсынылды, “Бизнес-тренинг: тиімді команда”, “стартап үшін идеяны қайдан алуға болады?”, бизнес-жобалау бойынша мастер-кластар, Ресей мен Қазақстанның шекара маңындағы өңірлерінің жас кәсіпкерлер қауымдастығын құру туралы келісімдерге қол қойылды, Ресей мен Қазақстанның шекара маңындағы өңірлерінде жастар кәсіпкерлігін дамыту жөніндегі жобаны іске асыру қорытындылары шығарылды.

Қатысушылар бизнес-орта өкілдерімен, жұмыс істеп жатқан кәсіпкерлермен қарым-қатынас жасау мүмкіндігіне ие болды, алдымен бизнесті болашақта дамыту перспективалары туралы маңызды ақпаратты ести алды.

Форум қорытындысы бойынша әрбір қатысушы сертификатқа ие болды.

Ғылыми бөлім