2021 жылдың 26-29 сәуірінде Батыс Қазақстан инновациялық-технологиялық университеті педагогика факультетінің “Психология” және “Педагогика және психология” мамандықтарының студенттері Әл-Фараби атындағы Қазақ Ұлттық университетінің базасында ұйымдастырылған XIII Республикалық студенттік пәндік олимпиадаға қатысты.
Олимпиаданың мақсаты – талантты және дарынды студенттердің шығармашылық қабілеттерін ашу және қолдау көрсету; студенттердің зияткерлік әлеуетін қалыптастыруға жәрдемдесу; студенттерді қазіргі заманның ғылыми мәселелерін шешуге тарту; ғылыми қызметке қызығушылықты дамыту.
Олимпиада нәтижелері бойынша:
– Шевер Елизавета, 5В050300 “Психология” мамандығының III курс студенті, III жүлделі орынға ие болды. Жетекшісі – Султаниязова Насия Жалауовна, психология ғылымдарының магистрі, Педагогика және психология кафедрасының аға оқытушысы.
– 5В010300 “Педагогика және психология” мамандығы студенттерінің “Болашақ” командасы II орын алды. Команда мүшелері: Тлешев Аманғали, Сатаева Ару, Жасқайратова Гүлсезім. Команда жетекшісі – Баймұханова Балжан Қадырғалиқызы, педагогика ғылымдарының кандидаты, Педагогика және психология кафедрасының аға оқытушысы.
Жеңімпаздар мен жетекшілерін білім сайысындағы жетістіктерімен құттықтаймыз және шығармашылық табыстар тілейміз!
БҚИТУ ректораты
БҚИТУ жас ғалымдар кеңесі