2024 жылғы 21 ақпанда Сырым ауданы Тоғанас ауылының  В. Шубина атындағы орта мектепте және Теректі ауданының Ұзынкөл ауылындағы Ұзынкөл орта мектебінде кәсіптік бағдар беру бойынша жұмысың Батыс Қазақстан инновациялық-технологиялық университетінің қызметкерлері өткізді.

Кездесу барысында кәсіптік бағдар беру жұмысы және қабылдау бөлімінің жетекші маманы Қабиболла Кенжеұлы Жәнияров және энергетика, автоматтандыру және есептеу техникасы кафедрасының аға оқытушысы Рахымжанов Максимилиан Ермолұлы мектеп түлектеріне БҚИТУ-да оқудың артықшылықтары, жоғары оқу орнына түсу шарттары туралы айтып берді.

Жоғары оқу орнында бүгінгі таңда ең сұранысқа ие 16 мамандық алуға мүмкіндік берілгені атап өтілді. Оқу кезінде студенттер кейіннен тұрақты жұмысқа орналаса алатын кәсіпорындарда өндірістік практикадан өтеді.  Кездесу оқушылардың үлкен қызығушылығын тудырды, түлектердің барлық сұрақтарына толық жауаптар берілді.