Қазақстанның жоғары және ғылыми білім беру жүйесіне жасанды интеллект енгізу жөніндегі стратегиялық жоба.

Мақсаты – энергетикаға, агроөнеркәсіптік кешенге, су шаруашылығына және цифрлық басқаруға АИ–шешімдерді құруға және енгізуге қабілетті мамандардың жаңа буынын даярлау.

Жоба білім, зерттеу және технологиялық кәсіпкерліктің бірыңғай экожүйесін қалыптастыра отырып, ЖОО-ларды, ғылыми орталықтарды, салалық әріптестер мен мемлекеттік органдарды біріктіреді. Платформада оқыту бағыттары, акселерация кезеңдері, ғылыми тректер және студенттер, оқытушылар мен ұйымдар үшін қатысу мүмкіндіктері ұсынылған.

«ЖИ-технологиялар саласындағы отандық және халықаралық білім беру бағдарламалары еліміздің кадрлық әлеуетін нығайтуға үлес қоса алады. Үкіметке ЖИ саласындағы мамандарды даярлау үшін AI-Sana бағдарламасын кезең-кезеңімен іске асыру мәселесін пысықтауды тапсырамын. Бағдарлама стартаптарды оқытуды, зерттеуді және дамытуды біріктіретін динамикалық экожүйені қалыптастыруға ықпал етуі керек. Әлемнің жетекші университеттерінің жеделдету тәжірибесін пайдалану қажет. Қазақстанның әрбір тұрғынына ЖИ-тің пайдасын жеткізу, оның не үшін қажет екенін және оны қалай дұрыс қолдану керектігін түсіндіру қажет»